🪶

14 ივლისს ქართველი და არამარტო ქართველი მკითხველისათვის უსაყვარლესი მწერლის ნოდარ დუმბაძის დაბადების დღეა! თუმცა ჩვენთვის – კავკასიელებისთვის ის განსაკუთრებით ძვირფასი და საყვარელი მწერალია. და ეს არ გახლავთ შემთხვევითი ამბავი. კავკასიელი ხალხები – მათ შორის ჩერქეზები, ვისი ტომისაც მე ვარ, -ქართული კულტურის, ხელოვნებისა თუ სპორტის წარმატებებს საკუთარ, საერთო კავკასიური კულტურის წარმატებადაც, მიიჩნევდნენ და მიიჩნევენ.

არ მინდა სიტყვამრავალი ვიყო, თუმცა ერთი ფაქტი მაინც მინდა აღვნიშნო: მწერლის არაერთი ნაწარმოები მსოფლიოს მრავალ ენაზეა თარგმნილი, მისი რომანების მიხედვით დადგმულია სპექტაკლები. მეამაყება, რომ ადიღეს რესპუბლიკის (ქ. მაიკოპი) დრამატულ თეატრის რეპერტუარში, სადაც ჩემი და, ადიღეს სახალხო არტისტი მაია უჯუხუ მოღვაწეობს, ყოველთვის დიდი ადგილი ადგილი ეკავა ქართელი დრამატურგების ნაწარმოებებს, თუმცა ნოდარ დუმბაძის რომანების მიხედვით შექმნილი პიესები „მე ვხედავ მზეს“ და „ნუ გეშინია დედა“ მაინც განსაკუთრებული სიყვარულითა და პოპულარობით სარგებლობდა. ისიც ძალიან მიხარია, რომ ორივე სპეკტაკლში მთავარ როლებს სწორედ ჩემი და, მაია უჯუხუ ასრულებდა.

წარმოგიდგენთ რამოდენიმე ფოტოს მაიკოპის დრამატული თეატრის სპექტაკლიდან „მე ვხედავ მზეს“, ასევე სტატიას ამ დადგმის შესახებ. ამგვარად, მინდოდა გამეხსენებინა ჩვენი დიდი მწერალი და მისი დაბადების დღე მიმელოცა ჩემი მეგობრების – ქეთევან და მანანა დუმბაძეებისთვის.