⛅️ კაროლინა იყო გერმანელი ასტრონომი, რომელმაც კომეტა აღმოაჩინა. ასევე იყო დიდი ბრიტანეთის სამეფო საზოგადოების წევრთა შორის პირველი ქალი. იგი თავის ძმასთან, უილიამ ჰერშელთან ერთად მუშაობდა. ღრმა ბავშვობაში კაროლინა მუსიკით იყო გატაცებული და 1770-იან წლებში რამდენიმე სპექტაკლში ითამაშა.
⛅️ მოგვიანებით კაროლინა ასტრონომიით დაინტერესდა და უილიამ ჰერშელთან ერთად მუშაოდბა. უილიამი ღამის ცას 20 წელი აკვირდებოდა, დაკვირვების საფუძველზე მიღებული მონაცემები კი კაროლინამ დაახარისხა. მათ აღმოაჩინეს 2500-ზე მეტი ახალი ნისლეული და ვარსკვლავთა გროვა. ასევე განავითარეს დიფუზიური მატერიის შეკუმშვით ვარსკვლავებისა და მათი სისტემების წარმოშობის კოსმოგონიური ჰიპოთეზა. მეფე ჯორჯ III-მ 1787 წელს კაროლინა ჰერშელი ოფიციალურად დანიშნა უილიამის თანაშემწედ და ხელფასი დაუნიშნა. კაროლინა იყო პირველი ქალი დიდ ბრიტანეთში, რომლის მეცნიერული შრომაც დაფასდა, მან შეძლო ასტრონომია საარსებო წყაროდ ექცია.
⛅️ 1782 წლის 28 აგვისტოს კაროლინამ შექმნა თავისი პირველი ჩანაწერების წიგნი.
⛅️ კაროლინა 1786–1797 წლებში აქტიურად მუშაობდა და შეძლო რვა კომეტის აღმოჩენა. პირველი კომეტა 1786 წლის 1 აგვისტოს აღმოაჩინა. მის აღმოჩენილ ერთ-ერთ კომეტას უილიამ ჰერშელმა “ჩემი დის კომეტა” უწოდა. 1790 წლის 7 იანვარს კი მეორე და მესამე კომეტა აღმოაჩინა, 1791 წლის 15 დეკემბერს მეხუთე, ხოლო 1795 წლის 7 ოქტომბერს – მეექვსე კომეტა აღმოაჩინა. 1797 წლის 6 აგვისტოს ჰერშელი მის აღმოჩენილ, ბოლო, მერვე კომეტას დააკვირდა.
⛅️ 1822 წელს უილიამ ჰერშელი გარდაიცვალა. ამ ამბის შემდეგ კაროლინა დაბრუნდა ჰანოვერში და ასტრონომიის სწავლა განაგრძო. იგი თავისი ძმის ნაშრომებს ამოწმებდა და იკვვლევდა ციურ სხეულებს.
⛅️ კაროლინას აკვირდებოდა ცას, პატარა ნიუტონის ტელესკოპით (რეფლექტორი). მის აღმოჩენებს შორისაა ასევე ვარსკვლავთა ღია გროვა NGC 2360, ანდრომედას გალაქტიკის თანამგზავრი ჯუჯა ელიფსური გალაქტიკა NGC 205.
⛅️ კაროლინას ერთ-ერთი მნიშვნელოვანი მიღწევა იყო, ჯონ ფლემსტიდის ვარსკვლავთა კატალოგში არსებული არაერთი უზუსტობის შესწორება, ასევე 550 ახალი ვარსკვლავის დამატება, რომლებიც თავდაპირველ გამოცემაში არ ყოფილა შეტანილი.
⛅️ 1846 წელს, 96 წლის ასაკში, მას მიენიჭა ოქროს მედალი, მეცნიერებაში შეტანილი წვლილის გამო.
⛅️ 1848 წლის 9 იანვარს ქალაქ ჰანოვერში კაროლინა ჰერშელი გარდაიცვალა.
წყარო:
https://www.britannica.com/biography/Caroline-Lucretia-Herschel