იზოტოპების ბუნებრივი შემცველობა ცხადია კავშირშია გარემოს დაცვასთან და ბუნებასთან, რადგან
ბუნებაში არსებული ყველა ქიმიური ელემენტი არის იზოტოპების სახით წარმოდგენილი. იზოტოპები განსხვავდებიან თუ არა ერთმანეთისგან დეტალურად იკვლევენ ატომის სტრუქტურას.
ითვლიან ნეიტრონების და პროტონების რაოდენობას თითოეულ ატომში.
იზოტოპების არსებობა 1900-1907 წლებში აღმოაჩინეს, ურანის რადიოაქტიური დაშლის ექსპერიმენტული კვლევისას.
დღეისთვის ვიცით, 81 ბუნებრივი ქიმიური ელემენტის 275 სტაბილური იზოტოპი და 118 ბუნებრივი და ხელოვნური ქიმიური ელემენტის დაახლოებით 1500-მდე რადიოაქტიური იზოტოპი.
XX საუკუნის 40-იანი წლების ბოლოს საქართველოში მნიშვნელოვან გამოკვლევებს ჩაეყარა საფუძველი იზოტოპების შესწავლას გასაიდუმლოებულ ორ სამეცნიერო-კვლევით ინსტიტუტში. სადაც მიმდინარეობდა სამუშაოები ურანის
იზოტოპების განცალკევების პრობლემებზე შესაბამისი სამრეწველო ტექნოლოგიების შესაქმნელად.
1962 წელს სოხუმში დაარსდა სოხუმის სტაბილური იზოტოპების ინსტიტუტი (ამჟამად საქართველოს მაღალი ტექნოლოგიების ეროვნული ცენტრი), სადაც ხორციელდებოდა მსუბუქი ქიმიური ელემენტების იზოტოპური ნარევიდან ცალკეული იზოტოპების გამოყოფისა და სხვა იზოტოპით გამდიდრების სამუშაოები.
შორეულ წარსულში მიმდინარე ბირთვულ პროცესებში წარმოიშვა დედამიწაზე გავრცელებული იზოტოპების უმრავლესობა. იზოტოპების გავრცელებას ბუნებაში, მათ წარმოშობას და პროცენტულ თანაფარდობას ხსნის თანამედროვე წარმოდგენები სამყაროსა და ასტრონომიული ობიექტების ევოლუციაზე. ამ წარმოდგენების შემოწმება ხორციელდება დიდ ჰადრონულ კოლაიდერზე მიმდინარე ექსპერიმენტებში, რომლებშიც მონაწილეობენ ქართელი ფიზიკოსებიც.
წყარო:
იზოტოპები ბუნებაში მიმდინარე პროცესების შესასწავლად- მიხეილ კავილაძე.
ატომის ბირთვის შედგენილობა და იზოტოპები -თ. ფცქიალაძე.