21 სექტემბერი ნულოვანი ემისიების დღეა.
ამ დღის მიზანი კლიმატგონივრული გადაწყვეტილებების პოპულარიზაცია და კლიმატის ცვლილების პროცესში გაფრქვევების როლის შესახებ ცნობიერების ამაღლებაა.
კლიმატის ცვლილების მთავარი მიზეზი სათბურის ეფექტის მქონე აირების კონცენტრაციის ზრდაა ატმოსფეროში. ამ დღის აღნიშვნას 2008 წელს საფუძველი ჩაეყარა კანადაში, წიაღისეული საწვავით გამომუშავებული ელექტროენერგიის გამოყენების მინიმუმამდე შემცირების მიზნით.
ემიებს იწვევს ნახშირის, გაზის და ნავთობის წვა, რის შედეგადაც წარმოიქმნება აზოტის ოქსიდი და ნახშირორჟანგი.
ტყეების გაჩეხვა. ადამიანის ტყეზე ზემოქმედებისა და ხეტყის არამდგრადი მოპოვების შედეგად, ტყეების მდგომარეობა მნიშვნელოვნად უარესდება. ხეები კი ხელს უწყობენ კლიმატის რეგულირებას ატმოსფეროდან CO2-ის შთანთქმით. ტყის საფარი დედამიწაზე არსებული ხმელეთის მესამედს შეადგენს. დედამიწისთვის ტყე ყველაზე უფრო ორგანული ადგილია, რომელშიც უამრავი ცოცხალი არსება ბინადრობს. ტყე დიდ გავლენას ახდენს ლანდშაფტებზე და მთლიანად ბიოსფეროზე. ასევე აბალანსებს ჟანგბადსა და ნახშირბადს დედამიწაზე. ტყე უდიდესი დამგროვებელია მზის ენერგიისა და ბიოლოგიური მასის. ტყე ეროზიისგან იცავს ნიადაგს, არეგულირებს წყლის ნაკადებს, ასუფთავებს ჰაერს.
ტყის საფარის კარგვის შედეგად ეს სასარგებლო ეფექტი იკარგება და ხეებში შენახული ნახშირბადი გამოიყოფა ატმოსფეროში, რაც უფრო მეტად ამწვავებს სათბურის ეფექტს.
ამ დღის მიზანია: განახლებადი ენერგიის გამოყენების ხელშეწყობა, ნახშირბადის გამონაბოლქვის გავლენის შესახებ ცნობიერების ამაღლება, წიაღისეული საწვავის გამოყენების შემცირება ყოველდღიურ ცხოვრებაში.
წყარო: