რამდენი კაშკაშა კუდი აქვს ლემონის კომეტას? — ორი.
ფოტოზე თითქოს სამიც ჩანს, მაგრამ რატომ?
მიზეზი ის არის, რომ ის ზიგზაგისებური ყავისფერი ზოლი სინამდვილეში კომეტა ლემონთან (C/2025 A6) სრულიად შემთხვევით გადაფარული მეტეორის კვამლოვანი ნაკვალევია.
მეტეორის ნაკვალევი — ეს არის გახურებული გაზებისა და მტვრის ღრუბელი, რომელიც დედამიწის ატმოსფეროში რჩება და რამდენიმე წამის განმავლობაში ნელა იფანტება მას შემდეგ, რაც მეტეორი ცაზე გაიელვებს.
კომეტას კი ორი ნამდვილი კუდი აქვს:
☄️ლურჯი იონური კუდი, რომელიც ფოტოს თითქმის მთელ სიგრძეზე იჭრება;
☄️და თეთრი მტვრის კუდი, რომელიც უფრო ახლოსაა მწვანე კომასთან (კომეტის ბირთვის გარშემო ნისლიან სფეროსთან) ფოტოს მარცხენა ზემოთ ნაწილში.
ყველა ნამდვილი კომეტის კუდი სწორედ მისი ბირთვიდან, კომას შიგნიდან იწყება.
ფოტო რამდენიმე დღის წინ გადაღებულია იტალიაში, ქალაქ მანჩიანოდან.
ამ კვირაში, ჩრდილოეთის განედებიდან, ლემონის კომეტა კვლავაც იქნება სუსტად ხილული — მზის ჩასვლის შემდეგ, ჩრდილო-დასავლეთ ცაზე. 🌠
წყარო: https://asterisk.apod.com/viewforum.php?f=9